ದೇವದತ್​ ಪಡಿಕ್ಕಲ್​ ಕೋವಿಡ್​ ಟೆಸ್ಟ್ ಮತ್ತೆ​ ನೆಗೆಟಿವ್ :ಆರ್ ​ಸಿಬಿ ಸೇರಿದ ಯುವ ಓಪನರ್​

ಚೆನ್ನೈ: ಆರ್​ಸಿಬಿ ತಂಡದ ಆರಂಭಿಕ ಬ್ಯಾಟ್ಸ್​ಮನ್​ ದೇವದತ್​ ಪಡಿಕ್ಕಲ್ 2 ವಾರಗಳ ಕ್ವಾರಂಟೈನ್​ ನಂತರ 2 ಕೋವಿಡ್ 19 ಪರೀಕ್ಷೆಯಲ್ಲಿ ನೆಗೆಟಿವ್​ ಪಡೆದಿದ್ದು,  ಆರ್​ಸಿಬಿ ತಂಡ ಸೇರಿಕೊಂಡಿದ್ದಾರೆ. ಮಾರ್ಚ್​ 22ರಂದು ನಡೆಸಿದ್ದ ಕೋವಿಡ್ ಪರೀಕ್ಷೆಯಲ್ಲಿ ದೇವದತ್​ಗೆ ಕೊರೊನಾ ದೃಢಪಟ್ಟಿತ್ತು. ನಂತರ ಬಿಸಿಸಿಐ ಪ್ರೋಟೋಕಾಲ್​ಗಳ ನಂತರ ಅವರ ಮನೆಯಲ್ಲೇ 2 ವಾರಗಳ ಕಾಲ ಸೆಲ್ಫ್​ ಐಸೋಲೇಷನ್​ನಲ್ಲಿದ್ದರು.

2 ದಿನಗಳ ಹಿಂದೆ ನಡೆಸಿದ್ದ ಪರೀಕ್ಷೆಯಲ್ಲಿ ನೆಗೆಟಿವ್ ಪಡೆದಿದ್ದ ದೇವದತ್​ ಇಂದೂ ಕೂಡ ನೆಗೆಟಿವ್ ರಿಪೋರ್ಟ್​ ಪಡೆದು ಆರ್​ಸಿಬಿ ಬಯೋಬಬಲ್​ ಸೇರಿಕೊಂಡಿದ್ದಾರೆ. ಈ ಕುರಿತು ವಿಡಿಯೋವನ್ನು ಟ್ವಿಟ್ಟರ್​​ನಲ್ಲಿ ಶೇರ್ ಮಾಡಿರುವ ಆರ್​ಸಿಬಿ, “ದೇವದತ್ ಪಡಿಕ್ಕಲ್ ಕೋವಿಡ್ 19 ಟೆಸ್ಟ್​ನಲ್ಲಿ ನೆಗೆಟಿವ್ ಪಡೆದ ನಂತರ ಆರ್​ಸಿಬಿ ಕ್ಯಾಂಪ್ ಸೇರಿಕೊಂಡಿದ್ದಾರೆ.

ಪ್ರಸ್ತುತ ಅವರು ಆರೋಗ್ಯದಿಂದಿದ್ದಾರೆ” ಎಂದು ಪಡಿಕ್ಕಲ್​ ಅವರ ವಿಡಿಯೋವೊಂದನ್ನು ಶೇರ್​ ಮಾಡಿಕೊಂಡಿದ್ದಾರೆ. ಪಡಿಕ್ಕಲ್ ನೆಗೆಟಿವ್ ಪಡೆದ ಖುಷಿಯಲ್ಲಿದ್ದ ಆರ್​ಸಿಬಿಗೆ ಮತ್ತೊಂದು ಆಘಾತ ಎದುರಾಗಿದೆ. ಆಸ್ಟ್ರೇಲಿಯಾದ ಆಲ್​ರೌಂಡರ್​ ಡೇನಿಯಲ್ ಸ್ಯಾಮ್ಸ್​ಗೆ ಎರಡನೇ ಕೋವಿಡ್ ಟೆಸ್ಟ್​ ವೇಳೆ ಕೊರೊನಾ ಪಾಸಿಟಿವ್​ ದೃಢಪಟ್ಟಿದೆ. ಅವರೂ ಕೂಡ ಕ್ವಾರಂಟೈನ್​ನಲ್ಲಿದ್ದಾರೆ ಎಂದು ಆರ್​ಸಿಬಿ ಪ್ರಕಟಣೆ ಬಿಡುಗಡೆ ಮಾಡಿದೆ.

Share

Leave a Reply

Your email address will not be published.